ବସନ୍ତ ମଞ୍ଜରୀ ଦାସ
ସଘନେ ତୋଳେ ମଧୁସ୍ବର
ବଧୂଲି ରୂପା ବଧୂ ତେଜି ବିରହ ସିନ୍ଧୁ
ବିନ୍ଦୁ ବିନ୍ଦୁ ବୁହାଏ ନୀର ।
ପଞ୍ଚମାଳାପ କର୍ଣ୍ଣେ ଶୁଣି ;
ରସେ ମଜ୍ଜିବା ଆଶେ ଗମେ ମଦନ ପାଶେ
ରସିକରାଜେ ହୁଏ ଗୁଣି !
ସେ ପ୍ରାଣଧନ ,
ପରବାସେ ବିତାନ୍ତି ଦିନ ।
କୋରୋନା ଆନମନା କରିବାରୁ ଲଳନା
ମନାଏ ମନ ଧୈର୍ଯ୍ୟ ଦ୍ବାରେ
ପାରି ଦେଇ ବସନ କରେ ଦୀର୍ଘଶୟନ
ତପନ ତେଜେ ଖର କରେ ।
ସ୍ବେଦ ବୁହଇ ଝରଝର ;
ମୋଦ ଘୁଞ୍ଚଇ ମନୁ କ୍ଷୀଣ ହୁଅଇ ତନୁ
ଛିନ୍ନ ହୁଅଇ କାମଶର ।
ଦିବା ଅନ୍ତେ ,
ଶର୍ବରୀ ଉପଗତ ଜାଣି ବାମାର ନେତ୍ର
ଖୋଜଇ ପରବାସେ କାନ୍ତେ ।
ପ୍ରଦୀପ ହସ୍ତେ ଘେନି ପଣତେ ଢ଼ାଙ୍କେ ଜାଣି
ଫଣି ସମ ପ୍ରଦୀପ ଶିଖା
ରକ୍ଷା ପାଏ ଅନିଳୁ ଆନନ୍ଦ ଦୋଳୁ ଦୋଳୁ
ଚିନ୍ତଇ ପାଇଗଲି ରକ୍ଷା ।
ଭିକ୍ଷା କରଇ ନିରୀମାଖୀ ;
କେବଳ ମନପୁରେ ମୋ' ପ୍ରାଣଧନ ଘୁରେ
ଝୁରଇ ନିତି ରଖି ସାକ୍ଷୀ ।
ମା' ବୃନ୍ଦାବତୀ ,
ଘୁଞ୍ଚୁ କୋରୋନା ଦୂରେ ଆସନ୍ତୁ ପତି ପୁରେ
ପାହୁ ଏ ଅମା ଭରା ରାତି ।
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।